भिडियो हेर्न तलको बक्सभित्र किल्क गर्नुहोस
 |
८ पुस, काठमाडौं । बुधबार राजधानीको तापक्रम शुन्यमा झरेको छ । जल तथा मौसम पूर्वानुमान महाशाखाका अनुसार बुधबार विहान ८ः४५ मा न्यूनतम तापक्रम ०.९ डिग्री सेल्सियस रेकर्ड भएको छ ।
यो पछिल्लो दुर्इ वर्षको न्यूनतम तापक्रम हो । मौसमविद् सुमीर श्रेष्ठका अनुसार गत वर्षको न्यूनतम तापक्रम १.४ डिग्री सेल्सियस मापन भएको थियो ।
पछिल्लो दुई सातामा लगातार तापक्रम घटिरहेको छ । ‘राजधानीको तापक्रम दुई हप्ताअघि ६ डिग्री थियो । यो लगातार घटेर ०.९ मा आइपुगेकाले धेरै जाडो महसुस भएको हो’ श्रेष्ठले भने ।
मौसमविद् सुमीर श्रेष्ठका अनुसार दिउँसो बादलकाु टुक्राहरु नदेखिएकाले राति जमिन सेलाउन मदत गर्छ, जसले विहानको समयमा तापक्रम न्यूनमत हुन सहयोग गरेको छ । अर्को वायू प्रदुषणका कारण घामको किरण सिधा नआइपुग्ने भएकाले पनि धेरै जाडो महसुस हुने गरेको छ ।
महाशाखाका अनुसार काठमाडौंमा अहिलेसम्मकै न्यूनतम तापक्रम माइनस २ सम्म मापन भएको रेकर्ड छ ।
भिडियो हेर्न तलको बक्सभित्र किल्क गर्नुहोस
|
0 comments:
Post a Comment