काठमाडौं, पुस ९ । एकीकृत माओवादी अध्यक्ष पुष्पकमल दाहालले सीमांकन परिवर्तन गर्ने भरपर्दो आश्वासन विना मधेसी मोर्चालाई सहमतिमा ल्याउन कठिनाई भईरहेको बताएका छन् । आफ्नै निवासमा आज संचारकर्मीसँग कुरा गर्दै उनले संसदमा प्रस्तुत संशोधन विधयकको भाषाका विषयमा छलफल भइरहको र मोर्चासँग भोलि आफुले पनि छलफल गर्ने जानकारी दिए ।मधेस आन्दोलन नेपालको आन्तरिक समस्या भएको भन्दै भारतसँगको सम्बन्ध र मधेस आन्दोलनलाई एकै ठाउँमा राखेर हेर्न नमिल्ने उनको भनाई थियो । सबै पक्ष लचिलो भएर प्रस्तुत भए केही घन्टामै समस्या समाधान हुने उनले दाबी गरे । प्रमुख राजनीतिक दल, विज्ञ, आन्दोलनरत मधेसी मोर्चाका प्रतिनिधिसमेत रहेको समिति बनाएर तीन महिनाभित्र सोही समितिको प्रतिवेदनका आधारमा सीमांकनको विषय टुंग्याउन सकिने उनले बताए ।
0 comments:
Post a Comment