भिडियो हेर्न तलको बक्सभित्र किल्क गर्नुहोस
 |
बीरगञ्जको बाहना, भित्री धन्दा बेग्लै !
३० पुस, काठमाडौं । आयल निगमका हाकिमहरुले नै कालो बजारियासँग मिलेर
अवैधानिक बाटोबाट तेल बच्दै पैसा कमाउन थालेको
धेरै भइसक्यो । भारतबाट तेल सहजरुपमा आउन र काठमाडौंमा सवारी जाम हुन थालिसक्यो, तैपनि निगमका हाकिमहरु निजी सवारी धनीलाई कालोबजारिसँगै भर पर्न सुझाव दिइरहेका छन् ।
भारतीय आयल कर्पोरेशनले सहजरुपमा तेलको लोड दिन थालेपछि आम नागरिक अब निजी सवारीका लागि नियमित रुपमा तेल बाँड्न
सुरु हुन्छ भन्ने अपेक्षामा छन् । तर, नियमित रुपमा तेल पाउन अझै केही दिन
कुर्नुपर्ने निगमका हाकिम बताउँछन् ।
नेपाल आयल निगमले
वीरगञ्ज नाका नखुलेसम्म निजी सवारीलाई पूर्ववत रुपमा तेल वितरण गर्न नसकिने तर्क
गरेको छ ।
अनलाइनखबरसँग कुरा
गर्दै आयल निगमका कार्यकारी निर्देशक गोपालबहादुर खड्काले अहिलेकै अवस्थामा निजी सवारीलाई नियमति रुपमा
पम्पहरुबाट तेल दिन नसकिने तर्क गरे ।
उनले निगमसँग
देशभरि १३ सय किलोलिटर मात्रै पेट्रोल मौज्दात रहेको दाबी गरे । तर, निगम स्रोतका
अनुसार काठमाडौंको थानकोट डिपोमा मात्रै झण्डै ११ सय किलोटिर पेट्रोल मौज्दात छ ।
पछिल्लो तीन
सातादेखि भारतीय पक्षले नाकाहरुमा अवरोध नगरेकाले वीरगञ्ज बाहेकका नाकाबाट सहजरुपमा तेल भित्रिरहेको छ । तर, आयल निगमले अझै पनि निजी सवारीलाई पूर्ववत् रुपमा तेल बेच्न सुरु
गरेको छैन ।
निजी सवारीले
नियमितरुपमा तेल नपाएको झण्डै ४ महिना बित्न लागेको छ । ४ महिनामा निजी सवारीले तीन दिनमात्रै तेल पाएका छन् ।
पेट्रोल नपाएपछि कालोबजारीको महंगो र गुणस्तरहीन पेट्रोल
किनेर सवारी चलाउन उपभोक्ता बाध्य छन्।
आयल निगमसँग कति छ
तेल ?
भारतबाट नियमित
रुपमा तेल आउन थालेपछि निगमका डिपोहरुमा झण्डै २ हजार किलोलिटर (केएल) पेट्रोल जम्मा भएको छ । तर, निगम भने वीरगञ्ज नाका नखुलेसम्म निजी सवारीलाई दैनिक रुपमा
पेट्रोल वितरण गर्न नसकिने अडानमा अडिग छ ।
निगमको बिराटनगर
डिपोमा झण्डै ४ सय किलोलिटर पेट्रोल छ भने अमलेखगञ्ज, भलबारी, कैलाली लगायत पाँच वटा डिपोमा एक-एकसय किलोलिटर भन्दा बढी
पेट्रोल मौज्दात छ ।
स्थानीय प्रत्यक्षदर्शीहरुका अनुसार बिराटनगर लगायतका सरकारी डिपोमा खन्याइएको तेल निगमकै
कर्मचारी र हाकिमहरुले रातारात कालोबजारियालाई
बाँड्छन् र उनीहरुबाटै खुल्लारुपमा महंगोमा तेल बिक्री गरिँदै आएको छ । यस्तो कार्यमा स्थानीय प्रहरी र सरकारी हाकिमको समेत मिलेमतो हुने गरेको छ ।
४ महिनामा निजी सवारीले तीन दिनमात्रै तेल पाएका छन् । पेट्रोल नपाएपछि कालोबजारीको
महंगो र गुणस्तरहीन पेट्रोल किनेर सवारी चलाउन उपभोक्ता बाध्य छन्
तर, खड्का भने डिपोमा धेरै तेल नभएकाले बाँड्न नसकिएको तर्क गर्छन् । ‘निकै कम मौज्दात रहेकाले नियमितरुपमा पम्पहरुबाट निजी गाडीलाई तेल बाँड्न सकिँदैन,’ खड्काले भने, ‘६० प्रतिशत तेल आयात हुने वीरगञ्ज नाका सुचारु नभएसम्म पेट्रोलको वितरण
सहज हुँदैन ।’
खड्काले अन्य डिपोबाट हुने आयातको मात्रा बढाएर पेट्रोलको आयात ६० प्रतिशतसम्म
पुर्याए पनि नियमित रुपमा निजी सवारीलाई पेट्रोल दिन नसकिने दाबी गरे ।
आयल निगमले बेतालपुर र गोन्डा डिपोबाट दैनिक ४/४ सय
किलोलिटर पेट्रोल ल्याउन पहल गरिरहेको छ ।
‘यसअघिजस्तै मौज्दात बढाएर कुनै-कुनै समयमा निजी सवारीलाई तेल दिन भने सकिन्छ,’ कार्यकारी निर्देशक खड्काले भने, ‘तर, वीरगञ्ज नाका नखुलेसम्म निजी सवारीले पम्पबाट नियमितरुपमा
तेल भर्न पाउँदैनन् । यो पक्का हो ‘
उनले ८ सय किलोलिटर पेट्रोल सुरक्षा प्रवन्धका लागि मौज्दात
राख्नुपर्ने भएकाले निजी सवारीलाई तेल दिने कुरा सम्भव नहुने दावी गरे ।
काठमाडौंमा दैनिक झण्डै ३ सय ५० किलोलिटर पेट्रोलको माग छ । उपभोक्तावादी
संघसंस्थाले सरकारी सवारीलाई सहजै पेट्रोल वितरण भइरहेको अवस्थामा निजी सवारीलाई पनि निश्चित पम्प तोकेर दैनिकरुपमा पेट्रोल वितरण गर्न निगमसँग माग गरेका
छन् ।
भिडियो हेर्न तलको बक्सभित्र किल्क गर्नुहोस
|
0 comments:
Post a Comment