पुलिसलाई फेरी अर्को सफलता ‘मोस्ट वान्टेड’ सूचीका गुन्डा नाइके पक्राउ

भिडियो हेर्न तलको बक्सभित्र किल्क गर्नुहोस

विराटनगर : डाका, लुटपाट र ज्यान मार्ने उद्योग समेतका तीनवटा ठूला जघन्य अपराधमा संलग्न रहेर फरार बनेका एक गुन्डा नाइकेलाई प्रहरीले मोरङको बयरवनबाट बिहीबार राति पक्राउ गरेको छ ।

बयरवन–५ का २५ वर्षीय गणेश भनिने विकाश गुरुङलाई गाउँबाटै पक्राउ गर्न इलाका प्रहरी कार्यालय पथरीको टोली सफल भएको हो । प्रहरीले मोस्ट वान्टेड सूचीमा राखेर उनलाई लामो समयदेखि खोजी गरिरहेको थियो ।
इलाका प्रहरी कार्यालय पथरीका प्रहरी निरीक्षक रमेश बस्नेतले डाका, लुटपाट र ज्यान मार्ने उद्योगका फरार अभियुक्त गुरुङलाई गाउँमा आयोजना गरिएको कार्यक्रम हेर्न आएको मौका छोपेर पक्राउ गरिएको बताए ।