दार्चुलामा वर्षासँगै हिमपात सुरु

भिडियो हेर्न तलको बक्सभित्र किल्क गर्नुहोस

पुस २४, २०७२- दार्चुला शुक्रबार दिउँसोदेखि मौसममा एक्कासी परिवर्तन आउँदा जिल्लाका उच्च भेगहरुमा हिमपात भएको छ । जिल्लाका उच्च डाडाकाडाहरुमा मंसिरमा नै हिमपात भए पनि शुक्रबार भने बस्तीसमेत हिउँ परेको प्रहरीले जनाएको छ ।

अपि नगरपालिकासित जोडिएको खार गाविसको दल्लेकमा समेत हिउँ जमेको दार्चुला प्रहरीले जनाएको छ । घुसा, खण्डेश्वरी, राप्ला, सुन्सेरा, धौलाकोट, इयरकोट, सितोलालगायत जिल्लाका उत्तरी गाविसका उच्च भेगहरुमा हिउँ जमेको दार्चुलाका प्रहरी प्रमुख सुशिलसिंह राठौरले बताए । सदरमुकाम खलंगामा दिउँसो चार बजेदेखि वर्षा भएको छ । शुक्रबार दिउँसोसम्म बदलिँदो मौसम रहेकाले चिसो बढेको छ । मौसममा एक्कासी परिवर्तन आउँदा जनजीवन प्रभावित भएको छ । जिल्लाका उत्तरी भेगमा बसोबास रहेको बस्तीहरुमा हिमपात भईरहेको घुसाका स्थानीय कल्याणसिंह बोहोराले बताए ।