‘उत्कृष्ट अर्थमन्त्री’ घोषित भएपछि महत सम्मानित

भिडियो हेर्न तलको बक्सभित्र किल्क गर्नुहोस

पूर्वअर्थमन्त्री डा. रामशरण महत सम्मानति भएका छन्।

अन्तर्राष्ट्रियस्तरमा ‘उत्कृष्ट अर्थमन्त्री’ घोषित भएपछि मकवानपुर उद्योग वाणिज्य सङ्घ हेटौँडाद्वारा आज उनी सम्मानित भएका हुन्। सो अवसरमा उनले भूकम्प र नाकाबन्दीको अवस्थामा पनि नेपालको अर्थतन्त्र हालसम्म सन्तुलित अवस्थामा रहेको बताए।

'आर्थिक समृद्धिका लागि उद्योग वाणिज्य सङ्घ र राजनीतिक दलहरु एकजुट हुनुपर्छ' महतले भने। बन्द, हडताल, राजनीतिक भागबण्डा र स्वार्थ त्याग गर्नुपर्नेमा उनले जोड दिए। कार्यक्रममा मकवानपुर उद्योग वाणिज्य सङ्घका अध्यक्ष रामकुमार न्यौपानेको सहभागिता रहेको थियो । रासस