भिडियो हेर्न तलको बक्सभित्र किल्क गर्नुहोस
 |
फोटो :एजेन्सी
एजेन्सीः लामो सयमसम्मको सम्झना हाम्रा लागि जरुरी कुरा हो । कुनै मौकामा जब हामीलाई कुनै याद आउँदैन तब हामीलाई धेरै झन्झट हुन्छ ।
हामी यस्ता मानिसलाई देखेर भन्ने गछौं–‘आहा ! हाम्रो पनि यस्तै सम्झने शक्ति भए त ।’ तर, यदी तपाईंलाई केही नभुली सम्झनामात्रै आयो भने के होला ? तपाईं भन्नुहोला यो सम्भव छैन ।
जुन कुरा देख्यो, सुन्यो, गर्यो त्यो सव सम्झनामा आओस् । दुनियाँमा यस्ता मानिस पनि छन् । जसले आफूले गरेका कुनै कुरा नभुली सम्झने गर्छन् ।
अब तपाईंले सोच्नुहोला कि उसलाई वरदान मिल्यो । तर, यस्तो सम्झना शक्ति भएका मानिसहरु भने यसलाई अभिशाप ठान्छन् ।
यस्तै क्षमतावान व्यक्ति छन् निमा विसेह, उनी १५ वर्ष अघिदेखिको आफ्नो जीवनका सम्पूर्ण घटना सम्झन सक्छन् ।
वैज्ञानिकहरु यसलाई ‘सपरियर अटो–बायोग्राफिकल मेमोरी’ या छोटकरीमा ‘एचएसएएम मेमेरी’ भएका मानिस भन्ने गर्दछन् ।
विसेह आफैं भन्छन् उनको दिमागमा भिडियो टेप राखेको जस्तै छ । जब चाह्यो सम्झिँदा पुराना घटनाक्रम फिल्म जस्तै आँखा अगाडि चल्न थाल्छन् ।
यहाँसम्म की कुनै खास मितिमा उनले कुपडा लगाएका थिए, केमा सवार गरेका थिए, मेट्रो वा बसमा कुन सिटमा बसेका थिए त्यो सबै भन्न सक्छन् ।
यो स्मरणशक्ति विसेहले पाएको जन्मजात गुण भने हैन । सन् २००० को डिसेम्बर १५ मा उनी आफ्नो साथीको जन्मदिनको अवसरमा आयोजना गरिएको पार्टीमा जाँदा उनले पहिली ‘गर्लफ्रेण्ड’ लाई भेट्टाएका थिए ।
तब यस्तो स्मरणशक्तिको उपहार पाए । त्यसपछि अहिलेसम्म उनले हर कुराकानी तथा क्रियाकलाप सम्झने गरेका छन् ।
यो चमत्कारको पछाडि आफ्नो पहिलो प्रेमिकाको हात छ वा अन्य कुनै कारण त्यसबारे उनलाई पनि थाहा छैन ।
तर, यस्तो भयो कि कसैले दिमागमा गियर लगायो तब, सम्झनाशक्तिको रफ्तार बढ्यो । यस्तो सम्झनाशक्ति राख्नेहरुका बारेमा न्यूरो वैज्ञानिकहरुका लागि चाखलाग्दो विषय बन्यो ।
उनीहरुले यो असाधारण क्षमता कहाँबाट आउँछ । यदि यसको बारेमा जान्न सकियो भने अन्य मानिसहरुको सम्झनाशक्ति बढाउन सकिन्छ भनेर खोजी गरे ।
एनएसएएम अर्थात सम्झनाशक्तिको असाधारण क्षमताबारे भएको चर्चा धेरै पुरानो हैन । २१ औं शताब्दीको सुरुवातमा सम्झनाशक्ति बढी भएका असाधारण क्षमताका मानिस आफै वैज्ञानिकको नजिक आएर आफ्नो क्षमताबारे जानकारी दिएका थिए ।
विसेहजस्तै क्षमता भएकी अर्की महिला छन् । उनको नाम जिल प्राइस हो । उनले सम्झनाशक्तिबारे अनुसन्धान गर्ने ‘जिम मैक्गाङ’ लाई इमेल गरिन ।
उनले भनिन्, ‘मलाई आफू १२ वर्ष भएदेखिको सम्पूर्ण कुराको सम्झना छ ।’ मैक्गाङलाई सुरुमा त यो दाबी सही लागेन र उनको कुरा पत्याएनन् ।
त्यसपछि उनले जिललाई आफ्नो ल्याबमा बोलाएर अलग अलग मिति दिएर उसदिन भएका घटनाको बारेमा भन्न लगाए । तब उनी छक्क परे जब जिलले हरेक समय सही जवाफ दिइन् ।
चाखलाग्दो कुरा के छ भने जिल प्राइसले पुराना कुराहरु सबै डायरीमा नोट गरेर राखेकी छन् । जसका कारण वैज्ञानिकहरुलाई उनले जवाफ मिलाएको पत्ता लगाउन सहज भयो ।
जिलबारेमा केही वर्ष अनुसन्धान गरेपछि उनलाई बैज्ञानिकहरुले एक पटक सोधे उनी कहिले र कतिपटक ल्याबमा आइन् ।
जिलले यसको पनि सटिक जवाफ दिएर वैज्ञानिकहरुलाई चक्मा खुवाइदिइन् । यहाँसम्म कि अनुसन्धान गर्नेहरुलाई नै पनि सही मिति थाहा थिएन ।
यस्तो असाधारण क्षमताबारे अनुसन्धान ल्याबबाट कुरा बाहिर आयो । सञ्चारमाध्यमले यस विषयलाई कडारुपमा उठाए । धेरैले फिल्म नै बनाए । सच्चाई यही थियो कि लामो समयदेखिका पुराना याद सबैसँग हुन सक्नु कसैको बहसको विषय हैन ।
असाधारण क्षमता भएका उनीहरुमध्ये केहीले सम्झनाशक्तिबारे अनुसन्धान गरिरहेका अमेरिकाको क्यालिफोर्निया विश्वविद्यायय वैज्ञानिकसँग सम्पर्क गरे ।
वैज्ञानिकहरुले सोधेको प्रश्नको पनि उनीहरुले सही जवाफ दिए । धेरै अनुसन्धानपछि असाधारण स्मरण शक्ति भएका मानिसहरु पनि हामीजस्तै हुन्, उनीहरुले भने भर्खरै घटेका घटनाहरु भने भुल्ने गरेका छन् ।
अमेरिकाको सदर्न मिसीसिपी विश्वविद्यालयमा सन् २०१३ मा यस विषयमा एक अनुसन्धान भएको थियो । जुन अनुसन्धानमा गज्जबको स्मरणशक्ति भएका मानिसहरुले पाँच मिनेट अघि भएको घटना भने भुलेका थिए ।
उनीहरुले विगतको कुरा सम्झिएपनि तत्कालको कुरा भने बिर्सने गरेका छन् । बढी स्मरण शक्ति हुनेको नोक्सान पनि छ ।
कति विर्सन चाहेका घटना बारम्बार सम्झनामा आउने गर्दछन् । चाहेर पनि उनीहरुले भुल्न पाउँदैनन् । यो जानेपछि अब तपाईं नै भन्नुहोस, ‘बढी स्मरण शक्ति हुनु, बरदान कि अभिशाप ???’ –बीबीसीबाट
भिडियो हेर्न तलको बक्सभित्र किल्क गर्नुहोस
|
0 comments:
Post a Comment