नुवाकोटमा माइक्रो बस दुर्घटना, नेपाली सेनाका ८ सैन्यको मृत्यु

भिडियो हेर्न तलको बक्सभित्र किल्क गर्नुहोस

शनिबार दिउँसो नुवाकोटमा माइक्रो बस दुर्घटना हुँदा ८ जनाको मृत्यु भएको छ भने ६ जना घाइते भएका छन्। नुवाकोटका नेपाल प्रहरीका डिएसपी सिद्धिविक्रम शाहले काठमाडौंबाट तालिममा नुवाकोट जाँदै गरेका नेपाली सेनाका सैन्य चढेको माइक्रो बस केउरेनीमा दुर्घटनामा परेको बताए।

काठमाडौंबाट त्रिशुली जाँदै गरेको बा १ ज ७५८३ नम्बरको माइक्रो बस दुर्घटना हुँदा ५ जना नेपाली सेनाका तालिमरत सैन्यको मृत्यु भएको पुष्टि भइसकेको नेपाली सेनाका प्रवक्ता सहायक रथी ताराबहादुर कार्कीले सेतोपाटीलाई बताए। सो माइक्रो बसका १३ जना सैनिक र केही सर्वसाधारण सवार थिए। मृतकको सनाखत भइसकेको छैन।

घाइतेको उद्धार गरी नेपाली सेनाको एमअाइ १७ हेलिकोप्टरबाट काठमाडौंको छाउनीस्थित सैनिक अस्पतालमा ल्याउने तयारी भइरहेको नेपाली सेनाले जनाएको छ।