भिडियो हेर्न तलको बक्सभित्र किल्क गर्नुहोस
 |
हाँस्य
टेलिश्रृंखला ‘जिरे खुर्सानी’को प्रशारण बन्द भएपछि दुखी भएका दर्शकका लागि खुशीको खबर छ । ‘जिरे खुर्सानी’का झगडालु ज्वाई-जेठान शिवहरी पौडेल (मुखाँ हान्नु जस्तो) र किरण केसी (राता
मकै) नयाँ सिरियल लिएर दर्शकमाँझ आउँदैछन् ।
केसी र
पौड्यालको निर्देशनमा नयाँ सिरियल ‘ब्रेकफेल’
को तयारी भएको
हो । यद्यपि उनीहरु नयाँ सिरियलमा पहिलेको भूमिकामा भने देखिने छैनन् । सँधै एउटै
संवाद बोल्दा दर्शकलाई दिक्क लाग्न सक्ने भएर नयाँ अवधारणामा नयाँ पात्रहरु
सिर्जना गरेर सिरियल बनाइएको केसीले अनलाइनखबरसँग बताए ।
‘जिरे खुर्सानी’मा ज्वाई-जेठान बनेर खेल्दा केसी र पौडेलबीच कहिल्यै मेलमिलाप देखिएन ।
सिरियलमा एक-अर्काको अस्तित्वलाई दुवैले अस्वीकार गर्ने उनीहरुको सम्वन्ध वास्तविक
जीवनमा भने अर्कै छ । शिवहरी आफ्नो पुरानो साथी भएको बताउने केसी आफू उनको अभिनय
क्षमताबाट प्रभावित भएको बताउछन् ।
‘सिरियलमा झगडा गरिरहे पनि वास्तविक जीवनमा
हामी मिल्ने साथी हौं,’
उनले भने, ‘नयाँ सिरियलबाट हाम्रो पुरानो सम्वन्ध अझै
प्रगाढ बन्नेछ ।’
शिवहरी पनि नयाँ
सिरियलप्रति निकै आशावादी छन् । यसअघि जितु नेपालसँग संयुक्त निर्देशन गरेका पौडेल
केसीसँगको सहयात्रा पनि फलिफापपूर्ण हुने बताउँछन् ।
समाजमा भइरहेका
बिकृती र बिसंगतिलाई श्रृङ्खलाबद्ध रुपमा प्रहार गर्दै जाने योजनामा रहेकी यी
कलाकारद्वयले सिरियललाई रसिक पनि बनाउने बताए ।
‘जिरे खुर्सानी’का जितु नेपाल,
जो शिवहरीसँगै
सिरियलका निर्देशक पनि थिए,
उनी ‘ब्रेकफेल’मा रहने छैनन् ।
भिडियो हेर्न तलको बक्सभित्र किल्क गर्नुहोस
|
0 comments:
Post a Comment