भिडियो हेर्न तलको बक्सभित्र किल्क गर्नुहोस
हास्य कलाकार विल्सनविक्रम राई अर्थात तक्मे बुढाका लागि अन्ततः बलिउडको सिने उद्योगको ढोका खुल्ने भएको छ । निकै छोटो
समयमा नेपाली दर्शकमाझ स्थापित बन्न सफल राईले अन्ततः बलिउड डेब्यु गर्ने भएका छन् ।
बलिउडकी हट
सुन्दरी नायिका विपशा वासुको साथमा रार्इसँगै सुनिल थापाले पनि अभिनय गर्नेछन् ।
बलिउड नायिका
विपशा वासुको मुख्य भूमिका रहने चलचित्र ‘भाइ मस्ट वी क्रेजी’मा यी दुई कलाकार देखिन लागेका हुन् । चलचित्रको निर्देशन विनय शर्माले गर्दैछन् । यो चलचित्रमा पंकज
कपुर डनको भूमिकामा देखिनेछन् । विपशाले जंगलमा डनलाई पछ्याउने बिषयमा चलचित्र बन्नेछ ।
चलचित्रमा आफ्नो
भूमिकाको बारेमा दुबै कलाकारले खुलाउन चाहेनन् । चलचित्रको सम्पूर्ण छायांकन नेपालमा हुने कुरा थियो । तर, नेपालमा भारतले लगाएको अघोषित नाकाबन्दीका कारण अब यसको छायांकन
थाइल्याण्डमा हुनेछ । थाइल्याण्डमा करिब
४५ दिनको तालिका तय भैसकेको छ
सुनिल थापाले चलचित्रका लागि सम्झौता गरिसकेका
छन् भने विल्सनले यो साता भित्र सम्झाैता गर्नेछन् । चलचित्रका निर्देशक विनय शर्मा नेपाल घुम्न र विल्सनसँग संझौता गर्न बिहीबारसम्म नेपाल
आइपुग्ने बताइएको छ ।
चलचित्रमा ‘कमेडी नाइट्स विथ कपिल’मा आफ्नो अभिनयका कारण चर्चामा रहेका कलाकार सुनिल ग्रोवर पनि देखिनेछन् । उनले नायिका विपशा वासुलाई सघाउनेछन् । जनवरी २७ तारिखमा विल्सन र सुनिल
थाइल्याण्ड जाने वुझिएको छ ।
सुनिल थापा
बलिउडमा पनि परिचित नाम हो । ‘मेरी कोम’ चलचित्र मार्फत बलिउडमा कमब्याक गरेका थिए थापाले । तर, विल्सनका लागि यो चलचित्र बलिउड यात्राका लागि कोशेढुंगा हुनसक्छ । विल्सनले यसअघि पनि
बलिउड चलचित्र खेल्ने चर्चा थियो । तर, विविध कारणले उनले चलचित्रमा काम गर्न
सकेनन् ।
0 comments:
Post a Comment