भिडियो हेर्न तलको बक्सभित्र किल्क गर्नुहोस
 |
२९ पुस, काठमाडौं ।रोसन गुप्ताले फेसबुकमा
सुवास्ना गौतम नामको अकाउन्ट देखे । फ्रेन्ड रिक्वेस्ट पठाए, जुन स्वीकार भयो ।
उनीहरूबीच फेसबुक सम्बाद बाक्लियो ।
महाबौद्धमा कपडा पसल संचालन रोसन सुवास्नासँग निकै नजिक भए र फेसबुके प्रेम बस्यो ।
तर, उनीहरूको प्रत्यक्ष भेट कहिल्यै भएन । एक दिन सुवास्नाले भेट्न बोलाइन् ।
फेसबुकमा भेटिएकी प्रेमिकालार्इ भेट्न रोसन समयमै पुगे । तर, त्यहाँ सुस्वाना होइन, एक युवक थिए । उनले आफू सुस्वानाको दाइ भएको र उनले हात काटेर
अस्पताल भर्ना भएको बताए ।
तिम्रो मायाले गर्दा हाम्रो बहिनीले हात काटेको भन्दै उपचार खर्च मागे । रोसनले
५५ हजार दिए । फेसबुके मायालुको उपचारका नाममा रोसनले ४ लाख १७ हजार दिए । पछिल्लो पटक उनलार्इ डेढ लाख रकम माग भयो । अब उनी रकम दिन सक्ने अवस्थामा
थिएनन् । आफन्तलार्इ समस्या राखे र मंगलबार अपराध महाशाखा आइपुगे ।
उनले दिएको उजुरीका आधारमा प्रहरीले छानविन गर्दा रोसनको फेसबुके मायालु अस्पतालमा त थिएनन् नै
सुवास्ना कुनै युवती नभएको खुलेको छ । सुवास्ना बनेर
रोसनलार्इ ठगी गर्ने बिक्रम ज्ञावाली र केविन केसीको रहेछन्, जसले युवतीको दाइ बनेर पैसा लिँदै आएका
थिए ।
दैलेख वङलम्जी ७ कोईरालागाँउ घर भएका २३ वर्षका विक्रम धापासी बस्छन् भने २२
वर्षका कविन धापासी कै हुन् । उनिहरूले सुरूमा सविन पाण्डेको नाममा नक्कली फेसबुक आईडी खोलेको थिए ।
नाम परिवर्तन गरेर सुवास गौतम बनाए । तर, महिला बनेर ठगी गर्ने उद्देश्यले दुबै
जना मिलेर पुन: नाम परिवर्तन गरी केटीको नाम सुवास्ना गौतम राखे र ब्ल्याकमेलिङ गर्न थाले ।
रोसनको उजुरीको आधारमा प्रहरीले दुबैलार्इ महाराजगञ्जस्थित भाटभटेनीबाट पक्राउ
गरिएको छ । दुबैलार्इ बिद्युतिय कारोवार ऐन र ठगीमा कारवाहीको लागी महानगरीय प्रहरी परिसर काठमाडौंमा पठाइएको अपराध महाशाखाले जनाएको छ ।
उनीहरूको साथबाट सामसुङ ग्यालेक्सी ट्याव र दुर्इ थान
मोबाइल, ४. सुनको ९.३७ ग्रामको सिक्री र २
लाख ५३ हजार बरामद भएको छ ।
भिडियो हेर्न तलको बक्सभित्र किल्क गर्नुहोस
|
0 comments:
Post a Comment