भिडियो हेर्न तलको बक्सभित्र किल्क गर्नुहोस
 |
वैशालु जोवन कसलाई पो मन पर्दैन र ? आफु जिउ सधै तन्नेरी तथा जवान भैराखोस् भन्ने चाहना सबैको हुन्छ । हुनत, जवानी भन्ने कुरा सधै रहिरहने कुरा होइन र एकदिन मानिसको छाला चाउरी परेरै छाड्दछ । त्यसैले जे गर्नुछ उमेरमै गर्नुपर्छ भन्छन् बुढापाका । त्यसैले होला दुनियामा वैँशको उत्सव मनाउने विभिन्न निहुँ खोज्छन् मानिसहरु । खुसी मनाउने मामिलामा जापानीहरुलाई कसले जित्ने ? उनीहरु आफ्नो उमेर २० वर्ष पुगेको अवसरमा समेत ठूलै उत्सव मनाउँछन् ।
हो, जापनमा हरेक वर्ष एउटा यस्तो समारोह हुन्छ जहाँ २० वर्ष उमेर पुगेका युवतीले भाग लिन्छन् । कमिंग अफ एज डे नामक उक्त समारोहमा अब वयस्क उमेरमा प्रवेश गरियो भन्ने खुसीयालीमा युवायुवतीहरु झुम्दछन् । गत जनवरी ११ सोमबारका दिन पनि जापानमा यो समारोहको आयोजना भयो । यसलाई आउँदो पुस्ताको उत्सव पनि भन्ने गरिन्छ । हरेक वर्ष जनवरी महिनामा यस्तो कार्यक्रमको आयोजना गरिन्छ ।
विभिन्न पार्क, होटल तथा खुल्ला ठाउँहरुमा यस्ता कार्यक्रमको आयोजना गरिन्छ । समारोहमा युवतीहरु परम्परागत पोषाक किमिनोमा सजिएका हुन्छन् । यो वर्षको समारोहमा झण्डै २० लाख जापानी युवायुवतीहरु सामेल भएका छन् । यो वर्ष २० वर्ष उमेर पुगेकाहरुमा १२ लाख १० हजार पुरुष र ६ लाख २० हजार महिला छन् । यो संख्या अघिल्लो वर्षको तुलनामा ५० हजारले कम हो । हेरौँ यो वर्ष २० वर्ष पुगेका जापानी युवतीहरुको उत्सव
भिडियो हेर्न तलको बक्सभित्र किल्क गर्नुहोस
|
0 comments:
Post a Comment