भिडियो हेर्न तलको बक्सभित्र किल्क गर्नुहोस
 |
२६ पुस, काठमाडौं । उपप्रधानमन्त्री विजयकुमार
गच्छदारले मधेसमा दुई प्रदेश असम्भव रहेको दावी गरेका छन् । साथै उनले झापा, मोरङ र सुनसरीलाई दुई नम्बर प्रदेशमा लैजान सम्भव नभएको बताएका छन् ।
रिपोर्टर्स क्लब नेपालको ज्ञापन पत्र बुझ्दै फोरम लोकतान्त्रिकका अध्यक्ष समेत रहेका गच्छदारले भने-मधेसमा
दुई प्रदेश असम्भव छ । झापा, मोरङ्ग र सुनसरीलाई दुई नम्बर प्रदेशमा
मिसाउनै पर्ने अतिवादी कुरामा त्यहाँका जनता सहमत
छैनन् ।’
दुई प्रदेशले मधेसको समस्या समाधान नगर्ने भन्दै उनले तराईमा तीनसहित आठ प्रदेश
बनाउनु पर्ने आफ्नो पुरानै धारणा दोहोर्याएका छन् । गच्छदारले झापा, मोरङ्ग, सुनसरी, सप्तरी, सिराहा र उदयपुर जिल्लालाई समेटेर एक प्रदेश र पश्चिममा अर्घाखाँची,पाल्पा, रुकुम र रोल्पालाई बर्दिया प्रदेशबाट हटाएर
कैलालीको थारु बाहुल्य क्षेत्रलाई समेटेर सीमांकन गरे समस्याको समाधान हुने दावी गरे ।
आफ्नो यो प्रस्तावमा प्रमुख दलका शीर्ष नेताहरुले अस्वीकार नगरेको भन्दै उनले
भने-तराईमा दुई प्रदेश हुनु पर्छ भन्ने एक्सटि्रम सोच हो । सात प्रदेशबाट आठ प्रदेश गरेर सीमांकनमा पुनर्निर्धारणको आधार मधेसी मोर्चालाई
दिनुपर्छ । यसले थारु र मुस्लिमको माग पनि पुरा गर्छ ।’
फोरम लोकतान्त्रिकका अध्यक्ष गच्छदारले नयाँ सरकार निर्माणको बेला आफ्नो दलसँग
भएको आठबुँदे सम्झौताको सीमांकन बाहेकको सहमति पुरा भइसकेको बताए ।
गच्छदारले अहिले नयाँ सरकार बन्ने आवश्यकता नरहेको भन्दै आफू यही सरकारलाई सफल बनाउन लाग्ने
स्पष्ट पारे । केरुङ नाकासम्म बाटो बन्न ढिलाई गरेको
भन्ने आरोपको खण्डन गर्दै भने-‘केरुङ नाकालाई मैले विशेष प्राथमिकता दिएको छु
। गल्छीदेखि बेत्रावतीसम्मको सडक दुई लेन बनाउन सडक विभागले टेण्डर प्रक्रिया सुरु गरिसकेको छ ।’
भिडियो हेर्न तलको बक्सभित्र किल्क गर्नुहोस
|
0 comments:
Post a Comment