भिडियो हेर्न तलको बक्सभित्र किल्क गर्नुहोस
 |
चोरी–निकासी गर्न लागेको छ वटा लाटोकोसेरोको बच्चासहित दुई जनालाई इटहरी प्रहरीले पक्राउ गरेको छ ।
प्रहरीले धरान १३ का विशाल तामाङ र रोशन भुजेललाई पक्राउ गरेको हो । को १५ प
५७३८ नम्बरको मोटरसाइकलमा राखेर धरान लाँदै गर्दा समातिएका उनीहरुले
उर्लाबारीबाट लाटोकोसेरो ल्याएको बताएका छन् ।
लाटोकोसेरोसहित समातिएकाहरुलाई कारबाहीका लागि जिल्ला वन कार्यालय सुनसरीको
जिम्मा लगाएको इटहरीका डिएसपी ओम अधिकारीले बताए । लाटोकोसेरो चोरी–निकासी
गर्नेलाई राष्ट्रिय निकुन्ज तथा वन्य जन्तु संरक्षण ऐन अन्तर्गत मुद्दा
चलाएर कारबाही हुने जिल्ला वन कार्यालय सुनसरीले जनाएको छ । यो ऐन अन्तर्गत
मुद्धा चलाएर कारबाही हुँदा दुई बर्षसम्म कैद र दश हजार रुपैयाँ जरिवाना
वा दुवै सजाय हुनेछ ।
नेपालमा पाइने २१ प्रजातिका लाटोकोसेरोमध्ये आठ प्रजातिका लाटोकोसेरो
अत्यन्तै संकटापन्न अवस्थामा छन् । नेपालबाटै लोप हुन लागेका
लाटोकोसेरोहरुमा लोखर्के उल्लुक, गोठे लाटोकोसेरो, घाँसे लाटोकोसेरो,
भासोलुक लाटोकोसेरो, कैलोमलाह हुचिल, कैलो पहाडी उलुकलगायतका छन् ।
भारत, चीन, खाडी राष्ट्र लगायत पाकिस्तान, भियतनामलगायतका देशहरुमा पनि
यसको प्रयोग र माग बढ्दो छ । ती देशहरुमा औषधि बनाउन, तान्त्रिकहरुले बुटी
बनाउन र यौन क्षमता वृद्धिका लागि पनि लाटोकोसेरोको मासुको प्रयोग गर्ने
गरिएको छ ।
पछिल्लो समयमा बासस्थान विनास, चोरी शिकार, गुलेली तथा कृषिमा बढ्दो
विषादीका कारण लाटोकोसेरोको संरक्षणमा चुनौती देखिएको छ । एक
तथ्याङ्कअनुसार नेपालबाट अहिले वर्षमा दुई हजारको हाराहारीमा जिउँदा
लाटोकोसेरो विभिन्न देशहरुमा निर्यात हुन्छन् भने त्यत्तीकै संख्यामा
लाटोकोसेराहरु समातिने क्रममा मर्ने गरेका छन् ।
लाटोकोसेरो चरालाई मुसा खाइदिएर सहयोग गर्ने किसानको साथीका रुपमा पनि
लिइन्छ । वर्षमा एउटा लाटोकोसेरोले तीन हजार वटाभन्दा बढी मुसा खाने
बताइन्छ । तर मुसा मार्ने नाममा प्रयोग गरिने विषादीले पनि लाटोकोसेरो
संकटमा परेको छ ।
भिडियो हेर्न तलको बक्सभित्र किल्क गर्नुहोस
|
0 comments:
Post a Comment